Bragðgóðar jólagjafir

Það getur verið gaman að lauma með einhverju heimagerðu góðgæti í jólapakkann og ég er farin að líta í kringum mig eftir nýjum hugmyndum...og kem ekki að tómum kofanum ef ég leita að homemade treats á pinterest. En á meðan ég ákveð mig ætla ég að deila með ykkur tveimur hugmyndum sem eru tilvaldar með jólapakkanum. Möndlubiscotti og Rocky Road er góðgæti sem er oft gert á mínu heimili og biscotti-íið hefur fengið að fljóta með nokrrum pökkum. Lyktin sem kemur þegar það er pakkað er hreint út dásamleg og ég mæli með að þið hendið í eina á þessum fallega degi.

{Rocky Road}

Eigið ljúfan og rólegan sunnudag.

m

Piparkökur

Gleðilega hátíð!

Það eru kannski ekki margir að fara að skutla í piparkökur svona á miðri jólahátíð en hver veit...það er þá allavega hægt að geyma hana þar til næst.

Þessi piparkökuuppskrift er frekar mikið uppáhalds og kemur úr fjölskyldu mannsins míns...og hann sér um að baka þær og skreyta. Það sem gerir þær svo góðar er að þær eru ekki eins harðar undir tönn eins og margar piparkökur og svo er þeytti glassúrinn algerlega ómissandi. Ég viðurkenni það fúslega að þegar við byrjuðum að búa saman var ég svoldið hissa; enginn marglitað matarlits glassúr! En ég lét undan og sé ekki eftir því, enda eru þessar afar sparilegar og flottar.

Fyrir þessi jól þurfti að baka annan umgang þar sem hin fyrri hvarf eins og dögg fyrir sólu.

Haldið áfram að hafa það huggulegt, það ætlum við að gera...enda nóg til af piparkökum ;)
m

Slippurinn

Um síðustu helgi skelltum við okkur til Vestmannaeyja. Tilefnið var að njóta vinnings sem ég hafði unnið hjá RÚV síðasta sumar og ekki náð að nota fyrr. Hluti vinningsins var kvöldverður á Slippnum og stendur sá staður vel undir væntingum. Ekki nóg með að maturinn sé afar góður heldur skemmtilega innréttaður og fær gamall andi hússins vel að njóta síns. Ég var sérstaklega hrifin af þessari vel heppnuðu blöndu af hráum iðnaðarstíl og hlýlegum ömmuhúsgögnum, einnig gaman af smáatriðunum eins og brúnu glerglösin og matardiskarnir sem gætu sem best verið frá því ´sjötíuogeitthvað ;)

Dagurinn í Eyjum var dásamlegur í alla staði og Slippurinn flottur endapunktur. Mæli með dagsferð til Eyja!
mAs

Grillbrauðslufsur....

Stundum er það einfalda best...stundum er pakkasúpa bara pakkasúpa og það hentar bara vel þegar allir eru að koma sér inn í vinnu og skóla. En svo má líka gera meira úr máltíðinni með því að henda í dýrindis grillbrauð. Og ekki verra ef það er svakalega einfalt í framkvæmd.

Hér er það; súpereinfaldar grillbrauðslefsur...vesssgú!

Þetta þarftu:
2,5 dl. súrmjólk *
250 gr. hveiti
40 gr. sýróp
1 tsk hjartarsalt

Ólífuolía + sjávarsalt - notað þegar brauðið er grillað.

* við áttum ekki til venjulega súrmjólk þegar við gerðum þetta fyrst, bara karamellujógúrt...og þar sem það kom svona líka glimmrandi vel höfum við bara haldið áfram að nota hana. En í staðinn sleppum við sýrópinu þar sem jógúrtin er nógu sæt.

Svona gerirðu:
Hentu hráefninu í skál og hrært saman með sleif. Þegar þetta er komið nokkuð vel saman er fínt að setja hendurnar í deigið og hnoða það létt (bara ofan í skálinni).
Klíptu litlar bollur og hnoðaðu létt saman. Athugaðu að deigið er nokkuð blautt og því er fínt að setja hveiti á hendurnar þegar bollurnar eru búnar til. Hver bolla er pressuð létt saman og sett á disk.
Ólífuolíunni er svo dassað yfir ásamt sjávarsalti eftir smekk.
Skellt á grillið og fylgst vel með...brauðið lyftir sér á grillinu. Fínt er að hita grillið í botn og lækka svo þegar þú setur brauðið á.

...á meðan á þessu stendur löllar svo bara pakkasúpan á eldavélinni, algerlega í aukahlutverki enda kemst fátt annað að en nýgrillað brauðið með svotil bráðnandi smjöri ;)

Verði ykkur að góðu!
m

Rabarbarasnittur | Rhubarb bites

Í framhaldi af rabarbara lofsöng gærdagsins kemur hér einstaklega ljúfeng kaka. Í hana var einmitt sultan góða notuð.

Það sem þú þarft:
125 g. smjör
220 g. hveiti
80 g. sykur
30 g. kókosmjöl
2 eggjarauður
ca. 200 g. rabarbarasulta

Fyrir glassúrinn:
200 g. flórsykur
ca. 1 eggjahvíta
Heitt vatn ef þarf
Kökuskraut

Aðferð:
1. Myldu smjörið í hveitið. Mér finnst best að setja það út í í litlum bitum og setja svo vel hreinar hendurnar í það og nudda hveitinu og smjörinu saman, þar til það líkist mylsnu. Bættu svo sykrinum og kókosmjölinu út í.
2. Settu eggjarauðurnar út í og hrærðu saman (ég notaði ká-ið). Ef deigið er of þurrt er í lagi að bæta einni eggjarauðu til viðbótar.
3. Pakkaðu deiginu inn í plastfilmu og geymdu í kæli í ca. klukkutíma.
4. Skiptu deiginu í tvær kúlur og flettu þær út, helst í tvö jafnstóra fleti. Best er að fletja það út á bökunarpappírnum.
5. Smyrðu rabarbarasultunni á annan hlutann og legðu svo hinn hlutann ofan á. Þrýstu þessu aðeins saman.
6. Bakist í miðjum ofni við 175 g. hita í ca. 15 mínútur eða þar til deigið er farið að verða aðeins gullið. Ef kakan bólgnar aðeins upp þegar hún er tekin út er sniðugt að snúa henni á hvolf eða leggja eitthvað flatt ofan á hana í smástund (t.d. annarri bökunarplötu). Við þetta verður kakan alveg slétt.
7. Hrærið glassúrinn og skreytið kökuna (þegar hún er orðin köld).

8. Skerið hana í litla bita og njótið!

{Uppskriftin kemur úr Bolig Liv}

Njótið dagsins!
m

Rabarbari | Rhubarb

Við höfum áður dásamað ágæti rabarbara og fáum greinilega ekki nóg af því. Það er bara eitthvað svo gefandi við að tína fullþroskaða jurtina upp úr moldina, skola, skera og....geyma, frysta, elda, sulta...

Helstu gæði rabarbara, fyrir utan bragðið, er að hann er mjög trefjaríkur og rótin hefur verið vinsæl í gegnum tíðina við hinum ýmsu magakvillum, einnig hefur hann bólgueyðandi áhrif og hitalækkandi. Rabarbari gefur okkur K vítamín og C vítamín, svo eitthvað sé nefnt. Ef þig langar til þess að fræðast meira um næringagildi rabarbara skaltu smella hér.

Við tíndum nokkra stilka fyrir vestan fyrr í sumar og móðirin rifjaði upp þegar hún var ung og læddist í rabarbara nágrannans. Stilknum var svo dýft í sykurkarið og notið...sonunum fannst þetta ekki alveg eins spennandi. Kannski er þetta bara gott í minningunni. En sultan er svo sannarlega góð og var notuð í dásemdar rabarbarakökur í gær...uppskrift á morgun!

****
Our love for rhubarb has been mentioned before and here we are, praising it again. Rhubarb jam is great on waffles and pancakes and a must with the lamb. We picked a good share earlier this summer and are enjoying our jam these day. If you want to find out the health benefits of eating rhubarb, check this out.

Njótið dagsins
m

Ungversk gúllassúpa

Við vorum víst búnar að lofa einhverjum uppskriftinni af ungversku gúllassúpunni sem rætt var um hér. Hún var elduð aftur og við mikla lukku enda er þetta afskaplega góð súpa sem óhætt er að mæla með.

Ungversk gúllassúpa:
700 gr nautagúllas
2 laukar
3 hvítlauksrif
3 msk olía til steikingar
1 1/2 msk paprikuduft
1 1/2 l vatn
2 msk kjötkraftur eða 2 teningar
1 tsk kúmenfræ
1 - 2 tsk meiran (ég notaði óreganó)
700 g kartöflur (ca. 8 meðalstórar)
2-3 gulrætur
2 paprikur
4-5 tómatar eða 1 dós niðursoðnir
...ég átti hálft butternut squash og bætti því út í, einnig er gott að setja rófur eða eitthvað annað rótargrænmeti.

1. Laukur saxaður og hvítlauksrifin pressuð. Kjötið steikt í olíunni ásamt lauk og hvítlauk.
2. Paprikuduftinu bætt út í ásamt vatninu, kjötkrafti, kúmeni og meiran/óreganó. Látið sjóða við vægan hita í ca. 40 mín.
3. Kartöflum, gulrótum, papriku og butternut squashi bætt út í pottinn og soðið áfram við vægan hita í ca. 30 mín.
4. Kryddað eftir þörfum....við bættum dulítið meira af óreganóinu og paprikuduftinu við, ásamt dass af salti.
5. Gott að sáldra steinselju yfir áður en borið er á borð og mjög gott að hafa sýrðan rjóma með...að ógleymdu heimabökuðu brauði.

Uppskriftin kemur úr gömlu góðu Af bestu lyst 1.

Eigið ljúfan dag...löng helgi framundan!
m

Huggulegt hádegi | Lovely lunch

Ein í veikindafríi og hin í fríi...börnin í skóla og leikskóla og þá er um að gera að hafa það huggulegt. Við bjuggum okkur til dásamlega glútenlausa pizzu með kjúkling, döðlum, basilíku, rjómaosti og döðlum og í eftirrétt fengum við okkur *Rocky Road. Það heimalagaða gúmmelaði klikkar ekki og alger snilld að eiga slíkt í ísskápnum. Ekki spillti svo fyrir að sólin skein glatt og hitastigið var réttu megin við núllið :)

****

One sister on sick leave and the other one on her day off...kids off in schoold and kindergarten and what´s better than to enjoy the day together. We prepared a glutenfree pizza with chicken, dates, cream cheese and basilica. For dessert we had some homemade Rocky Road candy, you just can´t go wrong with these and I highly recommend having a box with those in the fridge. To make the day even better the sun was shining and the temperature was on the right side of zero :)

* Ég hef áður sett in uppskrift af Rocky Road namminu en er búin að betrumbæta það aðeins og mun skella því inn aftur á næstu dögum. 

Eigið fallegt kvöld!
mAs

Kit Kat mjólkurhristingur | Kit Kat milkshake

Þetta góðgæti er alveg tilvalið fyrir þá sem eru í "ekki-svo-sykurlaus" janúar átaki ;) Einhversstaðar höfðum við rekist á þessa hugmynd og ákváðum að bjóða upp á þetta í eftirrétt á sunnudagskvöldið. Framkvæmdin er nú ekki flókin og svo sem hægt að útfæra á marga vegu en svona gerðum við...

- tókum ísinn (vanillu) út og létum mýkjast aðeins
- notuðum Melissa blandara þar sem hnífurinn er skrúfaður á glasið og glasinu er hvolft yfir í maskínuna...vona að þetta skili sér en skammturinn er s.s. fyrir einn)
- í hvern skammt fór ca. 2 bollar af ís, dass af mjólk, ca. 1-2 tsk af vanilludropum, 1/2 kit kat súkkulaði sem búið var að saxa aðeins niður
- allt saman mixað vel og bætt við ís eða mjólk eftir þörfum og smekk
- hrærður rjómi settur ofan á og súkkulaði íssósu sprautað yfir...kit kat stöng til skrauts
- drukkið með góðri lyst og samviskubitslaust ;)

{Þumallinn upp frá þessum....og gott ef Bubbi er ekki ánægður með þetta líka ;)}

Rocky Road

Þetta gómsæti var búið að vera lengi á "prufa-þetta" listanum mínum. Um jólin lét ég loks verða af því og meira að segja tvisvar. Mér sýndist þetta renna ljúflega ofan í mannskapinn sem þáði og mér fannst þetta ansi gott og ekki verra að framkvæmdin er einföld. Ekki vitlaust að eiga svona heimatilbúna nammibita í frysti eða að skutla í svona þegar manni vantar einfaldan og fljótlegan efttirrétt.

Það sem þú þarft:
200 gr. dökkt súkkulaði (70%)
200 gr. rjómasúkkulaði
35 gr. sykurpúða
50 gr. salthnetur
25 gr. pistasíuhnetur
5 mjúkar rjómakaramellur
5 harðar rjómakaramellur (t.d. Werther´s original)
Klípu af salti

Það sem þú gerir: 
Settu bökunarpappír í ferkantað mót (20x20cm).
Brytjaðu súkkulaðið niður, bræddu það í vatnsbaði og leyfðu því svo að kólna aðeins.
Saxaðu hneturnar og karamellurnar niður og blandaðu við súkkulaðið ásamt sykurpúðunum. Geymdu samt smá til að sáldra ofan á.
Helltu blöndunni í mótið og dreifðu úr.
Sáldraðu restinni af hnetunum og sykurpúðunum ofan á.
Skvettu smá grófu salti yfir súkkulaðið og leyfðu þessu að harðna (gott að setja inn í ísskáp í smástund).
Skerðu niður í smáa bita og njóttu :)

****
This tasty recipe has been on my list for a while now and now its finally been tried and received the thumbs up. It´s quite easy to make - no baking! - and good to have in the freezer or to make when you need a quick dessert.

This is what you need: 
200 gr. chopped dark chocolate (70%)
200 gr. chopped milk chocolate
35 gr. marshmallows
50 gr. salted peanuts
5 soft toffees, chopped
5 hard Cream toffees (Werther´s originals), chopped
Pinch of salt

This is what you do:
Line a square baking pan (20x20cm) with baking paper.
Melt the chocolate and let cool slightly.
Add most of the marshmallows, peanuts, pistachios and the caramels to the chocolate, but save some of it to sprinkle on top.
Leave to set in the fridge, then cut to small bites and enjoy!

o&o
m

Heilsubollur | Healthy bread buns

...eða Haukabollur eins og yngri sonurinn uppskírði þessar bollur. Hann kom með svona bollur heim úr skólanum einn daginn og ég dásamaði þær auðvitað í hástert. Haldiði ekki að krúttið hafi farið til heimilisfræðikennarans og beðið sérstaklega um uppskriftina fyirr mömmu sína :) Einn sunnudagsmorguninn skutluðum við svo í bollurnar og nutum með osti og sultu...

****

My younger son made bread buns like this in school the other day and brought. After we had enjoyed them here at home and praised the little baker he surprised us by asking his teacher for the recipe next day in school, saying his mom really liked them :) So now we´ve baked them together and they are very good, especially with cheese and jam on a cozy Sunday morning.

o&o
m