Stelpur rokka!

Ég á tvær litlur frænkur sem hafa ákveðna lund, vita hvað þær vilja og láta ekki segja sér fyrir verkum....helst ekki ;) Á fallegum sumardegi í júlí fengum við þessar skottur til að vera fyrirsætur í þessum litla myndaþætti.

Ég hef mikla trú á því að þessar ungu dömur verði ákveðnar konur sem láta til sín taka í framtíðinni.

Farið varlega í votviðrinu.
mAs

Helgin | The weekend

Góður matur, góður félagsskapur, gönguferðir í fallegri náttúru, heitur pottur og spilerí. Róleg stund á sunnudagsmorgni með nýtt blað, góða bók og tebollan....frábært að hlaða batteríin á þennan hátt fyrir nýja vinnuviku.

****
Lovely weekend just finished, with good food  and good company. Great way to recharge for next week.

Eigið góða vinnuviku!
m

Uppáhalds | Favorits

Uppáhalds þessa dagana:

* að leita uppi fallega kökudiska
* fuglahálsmenið sem ég rakst á í Berlín
* bleiki kökudiskurinn minn sem býður eftir að fá fallega hnallþóru á sig
* bækur & blöð...og uppáhalds súkkulaðið
* náttúran!
* að eyða tíma með köllunum mínum....

Hvað er þitt uppáhalds?
m

Flóamarkaður - 1. hluti | Fleamarket - part 1

Við vorum staddar í Eyjafirði fyrr í sumar og rákum augun í skilti sem auglýsti flóamarkaði við nokkra bæina. Þetta urðum við að sjálfsögðu að skoða betur og ætlum að gera góð skil hérna...svona ef ske kynni að einhver sé á leið norður. Þetta er nefnilega skemmtilegt fyrirbæri og minnir á útlöndin, þar sem allt úir og grúir af loppe-mörkuðum á sveitabæjunum. Foreldrar okkar eiga til dæmis afar fallegt Bavaria matarstell sem gengur undir nafninu Svínastellið...þar sem það var keypt á loppemarkaði á Svínabúi í Danmörku.

Þessi markaður er í Sveinbjarnargerði, hann er kannski ekki stór en vel þess virði að kíkja við og þarna var vel tekið á móti okkur. Og að sjálfsögðu sér maður núna, við að skoða myndirnar, eitthvað sem hefði nú verið sniðugt að kaupa ;)

****

Travelling in the northern part of the country, Eyjafjörður, and we stumbled upon a couple of fleamarkets...and just had to take a closer look :)

Njótið dagsins!
m&s

Gönguferð | Out for a walk

Við systur ákváðum að bjóða veðrinu í byrgin um síðustu helgi. Vorum búnar að finna skemmtilega gönguleið samkvæmt bókinni 25 gönguleiðir á höfuðborgarsvæðinu þar sem gengið er um Álftanesið og Bessastaði, ca. 6 km. Upphaflega átti ferðin nú að vera barnlaus en allt í einu voru 2 börn komin með í för, týpískar mömmur ;)

Það viðraði sæmilega á okkur í byrjun þar sem við lögðum bílnum við Kasthústjörn en þegar við vorum komnar aðeins á veg byrjaði töluvert að blása. Svo brast á með slagveðri og enn meiri vindi...og blessuð börnin voru farin að hrína undan veðrinu. Við snerum því við og hyggjumst ljúka hringnum síðar. Þetta urðu þó allt í allt ca. 5 km og leiðin er mjög skemmtilegt að ganga hana á góðviðrisdegi....og þeir hljóta nú að fara að koma ;)

****
We ventured for a walk the other day in what seemed to be a nice enough day. After awhile that all changed and the rain decided to show up and "fall" in a horizontal way...with heavy winds. The route we were following is very nice and is about 6 kilometers. We will definately have a go at it soon, when the sun is shining and the wind lays low ;)

Enjoy your Friday!
mAs