Stelpur rokka!

Ég á tvær litlur frænkur sem hafa ákveðna lund, vita hvað þær vilja og láta ekki segja sér fyrir verkum....helst ekki ;) Á fallegum sumardegi í júlí fengum við þessar skottur til að vera fyrirsætur í þessum litla myndaþætti.

Ég hef mikla trú á því að þessar ungu dömur verði ákveðnar konur sem láta til sín taka í framtíðinni.

Farið varlega í votviðrinu.
mAs

Litla Gunna og Litli Jón - annar hluti

Og sagan heldur áfram...nóg að gera í litlu búi. Það þarf að sækja póstinn, fara í vinnuna, bíða eftir strætó, tína blóm og dytta að húsinu.

Það getur reynt á að ljósmynda börn...þessi tvö reyndu á enda bæði þrjósk. Litli Jón stórbatnaði reyndar þegar honum voru boðin laun fyrir fyrirsætustörfin :)

Þangað til næst...
mAs

Markaðsstemming | Market fun

Ég elska að þvælast um á mörkuðum og gera jafnvel góð kaup...að finna einhver fjársjóð í hrúgunni. Því miður er ekki mikil hefð fyrir mörkuðum hér á landi og mætti svo sannarlega bæta úr því. En þó má nú alveg finna einn og einn yfir sumartímann og þá helst í formi hverfahátíða. Í götunni minni, Skaftahlíð, er að festast í sessi götumarkaður sem kallast Skrall í Skaftahlíð og var haldin í annað sinn nú á Menningarnótt (um daginn þó). Því miður náði ég ekki að taka myndir þá þar sem ég var önnum kafin við að selja sjálf. Laugardalurinn hefur um nokkurra ára skeið haldið götumarkað, yfirleitt seint í ágúst og hefur hann sjaldnast verið á sama stað. Í þetta sinn var hann við Laugardalshöllina...og sólin skein. Tilvalin dagur til að rölta um í fjársjóðsleit.

****
Enjoyed this lovely and sunny Saturday roaming a market in Laugardalur. Always fun to seek out a hidden gem :)

Þangað til næst...
m

Ferðalag! | Summer vacation!

Nú ætlum við systur að bregða okkur í ferðalag vestur á firði og eyða þar tíma með fjölskyldunni. Það verður því eitthvað rólegt á blogginu þar til við komum til baka en hver veit, kannski læðist inn einn og einn póstur. Annars er hægt að fylgjast með okkur á Instagram:

m á instagram

s á instagram

****
Off to a vacation in our summer cottage so there won´t be much activity until we get back. But we both have Instagram accounts, feel free to check that out. Just click on the m and s above.

Þangað til næst...
mAs

Rabarbari | Rhubarb

Við höfum áður dásamað ágæti rabarbara og fáum greinilega ekki nóg af því. Það er bara eitthvað svo gefandi við að tína fullþroskaða jurtina upp úr moldina, skola, skera og....geyma, frysta, elda, sulta...

Helstu gæði rabarbara, fyrir utan bragðið, er að hann er mjög trefjaríkur og rótin hefur verið vinsæl í gegnum tíðina við hinum ýmsu magakvillum, einnig hefur hann bólgueyðandi áhrif og hitalækkandi. Rabarbari gefur okkur K vítamín og C vítamín, svo eitthvað sé nefnt. Ef þig langar til þess að fræðast meira um næringagildi rabarbara skaltu smella hér.

Við tíndum nokkra stilka fyrir vestan fyrr í sumar og móðirin rifjaði upp þegar hún var ung og læddist í rabarbara nágrannans. Stilknum var svo dýft í sykurkarið og notið...sonunum fannst þetta ekki alveg eins spennandi. Kannski er þetta bara gott í minningunni. En sultan er svo sannarlega góð og var notuð í dásemdar rabarbarakökur í gær...uppskrift á morgun!

****
Our love for rhubarb has been mentioned before and here we are, praising it again. Rhubarb jam is great on waffles and pancakes and a must with the lamb. We picked a good share earlier this summer and are enjoying our jam these day. If you want to find out the health benefits of eating rhubarb, check this out.

Njótið dagsins
m